<  

Það virðist vera að myndast sjónvarpsþema á blogginu þessa dagana. Ég var að fá þær stórkostlegu fréttir að það eigi að endurvekja sjónvarpsþættina Futurama. Fyrir þá sem ekki þekkja til, eru þetta þættir frá Matt Groening, framleiðanda The Simpsons, sem gerast í framtíðinni. Og eru ofsalega, ofsalega fyndnir. Þeir náðu aldrei nógu miklu fylgi á meðan þeir voru sýndir, og FOX ákvað að hætta að sýna þá fyrir tvemur árum. Þetta er bara í annað skipti í sjónvarpssögunni sem sjónvarpsþáttur er endurvakinn, hinn var Family Guy.

Posted by Sveinbjörn at 12:51 FH | Permalink | Comments (3)

Ég fór í heimsókn í Nakta apann í morgun. Sara og Tolli eru alveg í skýjunum yfir viðtökum á nýjum vef þeirra sem ég minntist á í síðustu færslu. Þau eru búin að vera að rýna í traffíkina, eru að fá yfir þúsund heimsóknir á dag, en það sem kom mér á óvart við þetta, var það að mælanlegur hluti (en þó lítill) af þessum heimsóknum voru að koma héðan af blogginu mínu.

Ég hef alltaf staðið í þeirri meiningu að það væru svona sex-sjö manneskjur sem skoðuðu þetta blogg. Ef þú kíkir reglulega við hérna, en hefur ekkert verið að tjá þig á kommentakerfinu hingað til, endilega skrifaðu línu, þó að það væri ekki nema til að segja hæ. Og ef við þekkjumst, og ég er ekki með bloggið þitt í hliðarlinkunum hérna, endilega láttu það fljóta með.

Og hérna er einn linkur, sérstaklega handa Kristleifi vini mínum:
» Incredible Machines

Posted by Sveinbjörn at 5:45 EH | Permalink | Comments (11)

B. Breiðholt er nýjasta stjarna Eskimo Models, og þrammar
þessa daga niður helstu tískusýningarpalla evrópu.

Vinir mínir hjá Nakta apanum voru að klára heimasíðuna sína. Þar getið þið skoðað nýjustu fötin frá þeim, presenteruð af heitustu módelunum í bransanum.

Posted by Sveinbjörn at 9:43 EH | Permalink

Auglýsingar, þegar þær eru sem bestar, ná að útskýra eða benda á tilfinningar á rosalega stuttum tíma, eða í mjög takmörkuðu rými. Virkilega skemmtileg auglýsing nær á þrjátíu sekúndum að kryfja til mergjar viðfangsefni sitt, og sýna manni einhverja nýja hlið á því.

Ég er mjög morgunfúll maður. Dröfn samstarfskona mín vill meina að þetta sé persónuleg afstaða, á meðan ég lít frekar á þetta sem fæðingargalla. Vísindin benda til þess að hún, frekar en ég hafi rétt fyrir sér.

» Folgers - Happy Mornings

En það skiptir ekki máli. Ég er kominn með bandamann. Folgers kaffi skilur mig. Þeir vita sem er að nýr morgunn hvers dags er aðskotadýr, sem verður að nálgast af varfærni. Allavega þangað til að maður fær kaffistundina sína.

- - -

Svo var ég að skrifa nýja færslu á Vesturgötu 10a, vinnubloggið okkar.

Posted by Sveinbjörn at 2:32 EH | Permalink | Comments (1)

AWSOMETOWN er annar sjónvarpsþáttur sem fór ekki í framleiðslu. einnig fyndið dót. Prufuþátturinn af þessum þætti fór svo í umferð á netinu, og allir aðalleikararnir voru ráðnir til Saturday Night Live í kjölfarið.

Posted by Sveinbjörn at 10:44 FH | Permalink | Comments (0)

Ég er þessa stundina að horfa á "pilot" af sjónvarpsþætti sem heitir Nobody's Watching. Þessi prufuþáttur var framleiddur, en aldrei sýndur, og núna er einhver búinn að smella honum á netið. Hugmyndin er skemmtileg, tveir strákar sem fíla gamanþætti framleiða gamanþátt, í sjónvarpinu. Voða pómó allt saman.

Þátturinn er í þremur hlutum, þið getið skoðað hann hér:

1 - 2 - 3

Ég mæli einnig með standup myndinni hennar Söru Silverman, Jesus Is Magic. Sara er ofsalega sæt stelpa sem segir ofsalega ljóta brandara uppi á sviði, og kemst upp með það, út af því að hún er svo sæt stelpa. Tvær flugur í einu höggi ef þið eruð hlynnt bæði sætum stelpum og bröndurum. Ég er mikill aðdáandi brandara, þannig að þessi ræma hitti sérdeilis í mark hjá mér! Fimm stjörnur!

Posted by Sveinbjörn at 12:52 FH | Permalink | Comments (1)

» Bendito Machine
Stuttmynd sem ætti að fá óskarsverðlaunin, gerð í flash.

» The History Of Sampling
Skemmtileg og fróðleg flash græja

Posted by Sveinbjörn at 4:57 EH | Permalink | Comments (0)

� einhver ykkar Smjattpattalagið á MP3?

Sá hinn sami á mjög óvegleg verðlaun í vændum.

Posted by Sveinbjörn at 2:30 FH | Permalink | Comments (3)

Orkuveitan er víst með ímyndarauglýsingaherferð í gangi þessa dagana. Merkilegt hvað þessi stofnun er eitthvað með brenglaða sjálfsímynd. Hálf furðulegt þegar maður pælir í því, opinber stofnun með útlitskomplexa, eins og unglingsstelpa. Útlitskomplexa og tugmiljóna auglýsingabudget.

Vandamál þeirra liggur helst í því að ímynd þeirra er aðallega slæm gagnvart þeim sem blöskrar óráðssíu í fjármálum hins opinbera. Þeir sem ég þekki sem á annað borð fíla ekki þessa stofnun, gera það á þeim forsendum að hún er búin að vera að henda miljörðum í útlit og hégóma, t.d. með byggingu stærsta skrifstofuhúsnæðis í reykjavík, og í allt of áhættusama tilraunastarfsemi, s.s. Lína.net og rafmagnslínuinternet tilraunaverkefnið þeirra, sem gekk aldrei almennilega upp.

Þess vegna er frekar kjánalegt að þeir skuli vera að kasta fullt af peningum í að lappa upp á þessa ímynd sína. Besta leiðin fyrir þá til að laga ímyndina væri klárlega að herða sultarólina. Þeir gætu plantað innslögum í 6tilSjö um að starfsmennirnir fá bara að borða hafragraut í hádeginu. Eða sýnt Alfreð Þorsteinsson að selja ljóð í Austurstræti til að láta enda ná saman.

- - -

Ég var að skrifa nýtt innslag á Breiðholt. Endilega tékkið á því.

Posted by Sveinbjörn at 1:04 EH | Permalink | Comments (1)

Tvennt í dag:

1:
Björn Þór var að bjóða mér að taka þátt í MP3 blogginu sínu. Fyrsta færslan mín er hér.

2:
Cooking For Engineers.

Posted by Sveinbjörn at 3:05 EH | Permalink | Comments (2)

Ég er búinn að vera hrikalega hændur MySpace í soldinn tíma, en eins og með allt sem maður ánetjast þá er ég að fá nettan leiða á þessu.

En ég er búinn að uppgötva nýtt internetkrakk: Consumating. Einhversstaðar á milli MySpace og Flickr, Consumating er jafnvel gagnvirkara en MySpace. Tjekkið á þessu.

Posted by Sveinbjörn at 2:16 FH | Permalink | Comments (3)

Sjá hér.

Hvað á ég að kalla mig þá?

Einhverjar tillögur?

Posted by Sveinbjörn at 2:23 FH | Permalink | Comments (7)