« desember 2007 | Main | febrúar 2008 »
Var að hreinsa linkasúpuna hér á hægri hönd. Ég hreinsaði út öll dauð blogg og síður sem eru ekki lengur í loftinu. Bætti einnig við uppáhalds blogginu mínu, the New Shelton wet/dry. Besta blogg í heimi. Ef þú ert vinur minn og mér hefur láðst að linka á síðu þína, endilega kommentaðu með slóðinni þinni.
Ég byrjaði daginn, eins og ég geri oft, á morgunkaffi með Söru. Í tilefni dagsins var sérstakt tilboð á Prikinu, Hvítlauksborgari og Kók í gleri á 0 kr. Hversvegna þau voru að gefa þetta veit ég ekki. Þetta var samt dúndurgóður borgari.
En hvað skal gert ef þér langar í dúndurgóðann borgara en þú ert í tveggja vikna göngu um Vestfirði eða í gobi-eyðimörkinni? Ef þú lendir oft í því, þá er loksins komin lausn fyrir þig: Ostborgari í dós!
Og ef þér langar í ljúfann drykk til að skola borgarann niður með, þá bjóða þeir einnig upp á rauðvín í duftformi.
Stolið af Metafilter.
Hér hjá Sveinbjorn.com reynum við eftir fremsta megni að halda góðu sambandi við lesendur okkar. Nú getið þið, lesendur góðir, sýnt skoðanir ykkar á blogginu í verki.
[úr tímaritinu Árvakri, 1913]
Kontaktar mínir í ráðhúsinu og stjórnmálaflokkunum hafa verið að halda mér uppdeituðum varðandi átök undanfarinna daga í borgarpólitíkinni. Innstu koppar í búri hafa hvíslað að mér að ástæðan fyrir spennunni sem leiddi að sprengjunni á mánudaginn hafi verið að það hafi verið að kvisast út í svolítinn tíma að Björn Ingi væri á leiðinni út, og því hafi samstarfið farið í uppnám, sem leiddi að þessarri niðurstöðu.
Nú hef ég heyrt hversvegna Björn Ingi var á leiðinni út. Sagan segir að í lengri tíma hafi staðið til að hann færi að sinna hinu hugðarefni sínu, s.s. nútímalist. Björn Ingi er víst búinn að semja við Icelandic Love Corporation um að fylla í skarðið sem Dóra Ísleifs skildi eftir fyrir nokkrum árum í gjörningarklúbbnum.
Héðan í frá verður hann því þekktur sem Gjörningi.
Þetta var svaka tónleikahelgi.
Hún byrjaði á frekar tilþrifalitlu fimmtudags dj giggi á Kaffibarnum.
Ég spilaði svo tónleika #2 með Johnny Sexual á Barnum á föstudagskvöldið, það var þétt stemmning og svaka gaman. Einnig tók ég smá gestainnkomu með Tesla Girls, spilaði á nýju kúabjölluna mína í cover útgáfunni þeirra af Synthia með FM Belfast. Svo tóku TA! TA! TA! við með dj setti, og þeir mynduðu þéttustu stemmningu sem ég hef séð á Barnum í langann tíma.
Svo var svaka gigg hjá Golden Circle á Organ á Laugardagskvöldið. Ég var að dídjeija milli atriða framan af kvöldi. Retro Stefson hófu tónleikana, og voru í góðu stuði, og Sudden Weather Change voru á eftir þeim. Reykjavík! mættu svo með dramatískum tilþrifum. Þeir störtuðu tónleikunum með gestainnkomum frá Ernu Ómarsdóttir og Benedikt Erlingssyni. Erna framdi einhvern öskursgjörning um talandi tré og Benedikt fór með fornt kvæði við rytmískann rokk undirleik. Restin af tónleikunum þeirra var svo tryllt brjálæði, að vanda.
FM Belfast steig á svið upp úr tvö, og viðtökurnar voru rosalegar. Hljómsveitin flutti nýtt lag, Underwear, í fyrsta skipti. Þetta voru fjölmennustu tónleikar sem hljómsveitin hefur spilað, en auk Árna, Árna og Lóu voru Örvar og Birgitta í sönglínunni. Í þetta skiptið voru fjórir kúabjölluleikarar á sviðinu, þannig að ég fór í massífann keppnishug. Úr varð að ég braut tvo trommukjuða og eyðilagði eina kúabjöllu í hamaganginum, og stórmeiddi mig þar að auki á höndinni. Ég hoppaði svo mikið um að mig sortnaði fyrir augum af svima og þurfti að fara út af sviðinu nokkrum sinnum yfir tónleikana til að jafna mig. Þetta voru skemmtilegustu tónleikar sem ég hef tekið þátt í. Eftir tónleikana var ég alveg wasted, leið eins og ég væri kominn á nítjánda bjór, ráfaði reiðulaust um tónleikasvæðið á meðan 1985! voru að spila, dansaði tryllingsdans og talaði þvoglumælt. Svakastuð. Þetta var æðislegur endir á skemmtilegasta jólafríi sem ég hef átt í mörg ár.
Ég er að spila með Johnny Sexual á tónleikum á Barnum í kvöld. Svo eru risatónleikar á Organ á morgun, með FM Belfast, Retro Stefson, Reykjavík!, 1985!, Sudden Weather Change, Plúseinum og Terrordisco.
Ef ekkert af þessu virkar spennandi á ykkur, þá er fullt af nýjum myndum sem vert er að tékka á útá leigu. Ég mæli með Snakes on a Train, Transmorphers, og The Da Vinci Treasure.